LAOAG CITY – Nagballigi ti nagtitipon a pwersa ti Joint Operation Special Enforcement team ti Ilocos Norte Police Provincial Office ken ti Philippine National Police iti ili ti Burgos a nangtiliw iti maysa a civil engineer iti Barangay 1 ditoy ciudad ti Laoag.
Ti akusado ket agtawen ti 68, naasawaan, civil engineer ken residente iti nadakamat a lugar.
Natiliw ti akusado babaen ti bileg ti Warrant of Arrest nga inpruk-at ni Honorable Judge Jonathan Albano Asuncion ti Regional Trial Court Branch 2 ditoy ciudad ti Laoag gapu iti uppat a counts ti kaso kriminal ken ti panaglabsing iti National Internal Revenue Code.
Nairekomendar ti 240 ribo a pisos a piyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti kustodyar ti Philippine National Police iti ili ti Burgos.
