LAOAG CITY – Kinumpirmaran ni Police Major Rommel Ramos, chief of police ti PNP-Bacarra ti pannakatay ti maysa nga ubing a babai nga agtawen ti innem kalpasan a nalmes iti Bislac River.
Nabigbig ti biktima a ni Kate Rañada residente iti Brgy. 1, San Lorenzo iti ciudad ti Laoag.
Segun kenni Ramos, napan iti pamilya ni Rañada iti nasao a karayan tapno agpipicnic ken dagus a napan nagdigus dagiti ubbing a pakairamanan ti biktima.
Kunana a nadlaw ti ina na a ni Kathleen Rañada nga awan ti anak na iti pagdidigusan.
Inbatad na a kalpasan ti sumagmamano a minutos ket nabirukan met laeng ti biktima ngem narigatan dagiti maseknan gapo ta nangisit ti kolor ti bado ti nasao nga ubing.
Insigida a naitaray iti ospital ti biktima ngem naideklara daytoy a dead on arrival.
