LAOAG CITY – Maysa ti natay ken pito dagiti nasugatan iti panagbaliktad ti White L300 Van iti Barangay Baruyen iti ili ti Bangui.
Daytoy ti kinumpirmaran ni Police Major Ramil Llarenas, ti chief of police ti Philippine National Police iti ili ti Bangui.
Segun kenni Llarenas, agpaamyanan ti van ngem idi nadanon na ti kurbaan a paset ti barangay ket napukawan ti kontrol ti driver ken naidungpar pay iti Public Utility Bus agingga a nagbaliktad.
Inbatad na a dagiti pasaheros a naglugan iti van ket nagsagaba ti sugat iti nagduduma a paset ti bagi da ken dagus met a naitaray iti ospital ngem naideklara a pimmusay ti maysa kadagiti nakalugan.
Kunana a saan met a naan-ano dagiti pasaheros ti Bus idinto a ti driver ket nagsagaba ti gasgas iti bagi na.
Agtultuloy met ti imbestigasyon dagiti otoridad iti nasao nga insidente.
