LAOAG CITY – Nagballigi dagiti kameng ti Philippine National Police (PNP) ti inyuswat da a drug-buy bust operation idiay Bacarra, Ilocos Norte.
Nabigbig ti subject ti operasyon a ni Francisco Corpuz Jr., agtawen ti 34, addaan ti live-in partner, maysa a tricycle driver, taga Barangay Pila ditoy ciudad ti Laoag ngem agdama nga agkaskasera ti Barangay 7 iti ili ti Bacarra.
Naglako ni Corpuz ti maysa nga heat sealed plastic sachet a naglaon ti maipagarop a shabu nga agbalor ti 500 a pisos ti maysa a pulis a nagpammarang a poseur buyer.
Malaksid ti daytoy, nakakumpiskar pay dagiti otoridad ti lima a sachet a naglaon ti maipagarop a shabu ken cellphone iti ikot ni Corpuz.
Nupay kasta, naiget a naglikudan ni Corpuz ti alegasyon kontra kenkuana.
Kabayatanna, inbatad ni Barangay Chairman Michael Ramones ti Barangay 7 ti ili ti Bacarra a saanna nga ammo nga agkaskasera ni Corpuz ti barangay da.
Kunana a ti laeng ammo na nga agkaskasera ti nasao a lugar ket dagiti GRO nga agtrab-trabaho ti videoke bar.
Rumrumuar a tallon a bolan nga agkaskasera ni Corpuz ti nasao a lugar.
