LAOAG CITY – Nagballigi dagiti otoridad a nangtiliw ti maysa a tricycle driver iti naiyuswat a drug buy-bust operation idiay Barangay 16, San Marcos, San Nicolas, Ilocos Norte.
Nabigbig daytoy a ni Mark Lester Tejada, agtawen iti 35, awanan ti asawa, traysikel driver ken residente iti Barangay 3, San Ildefonso ti nasao nga ili.
Naglako ni Tejada ti maysa a sachet a naglaon ti maipagarop a shabu ken agbalor ti sangaribo a pisos.
Iti panangkapkap dagiti otoridad ti suspek ket nakarekobre da pay ti maysa a sachet a naglaon ti maipagarop a shabu.
Iti agdama, maisagsaganan ti maipila a kaso kontra ken ni Tejada.
Naamoan a ni Tejada ket adda iti drug watchlist ti PNP, dati a drug surrenderer ket nagturpos iti Community-Based Rehabilitation Program wenno CBRP ti nasao nga ili.
