LAOAG CITY – Inadmitir ni Dr. Jake Rubio, dati a Presidente ti Ilocos Norte Medical Society a marigrigatanen ti Mariano Marcos Memorial Hospital and Medical Center iti siudad ti Batac wenno adda iti critical level.
Kuna na a bassiten ti hospital covid-19 beds, makamatan dan iti suplay, ken kaaduan kadagiti health care workers ket manarimaan a nakaisolate.
Inbatad ni Dr. Rubio a daytoy ti kayat a sawen ti #TimeOutIlocosNorte gapu ti ngumatngato a kaso ti COVID-19 ditoy probinsya a rason a mapunno ti ospital.
Inbunannag na nga immunan a nangiparuk-at ti ospital ti statement seknan iti panagkalikagum da a maipatungpal ti naig-iget a quarantine status ngem iti GCQ nga agpaot iti sumagmamano a lawas.
Daytoy ket tapno makapagsagana ken makaaramid ti wagas dagiti adda iti biang ti medikal a labanan ti COVID-19.
Innayon na a ti Time-out Ilocos Norte ket para kadagiti tattao no sadinno a no bilang agcollapse dagiti medical frontliners ket madadael ti health system ken makaammo ti tattao a manglaban ti pandemiya.
Kabayatanna, inpakaammo ni Mr. Jay-ar Mangati, iti Health Education and Promotional Officer iti Mariano Marcos Memorial Hospital and Medical Center iti siudad ti Batac, nga umaboten iti 96.2% ti hospital beds ti naakuparan gapu ti kaado dagiti naiserrek a pasyente.
Kuna na nga umabot iti 104 bed capacity iti adda iti ospital ken adda pay ti naiyestablisar a 16 beds iti Field Hospital 1 a makita iti driveway ti OPD.
Segun kenni Mangati, no bilang agtultuloy ti panagngato ti kaso ti COVID-19 ditoy probinsya ket nakaplano ti ospital ken mangar-aramid da iti Field
Hospital 2 a kaasideg ti Field Hospital 1.
Kuna na a no bilang a saan a bumaba ti kaso ti COVID-19 ket mangiyestablisar manen ti ospital iti Field Hospital 3 iti ruwar ti pasilidad.
Inbatad ni Mangati a napan da nangkita iti elementary schools a kaasideg ti ospital tapno mapagbalin a Field Hospital 3 ken maipan laeng dagiti pasyente a saan na unay a kasapulan ti naiget a pannakamonitor.
Kabayatanna, adda pay laeng ti makaumanay a medical supply kas iti PPE ken ventilator ngem saan kuman nga umabot a maibusan da ti supply rason a kiniddaw na iti publiko a suruten kuma a naimbag dagiti protocols.
