LAOAG CITY – Agladladingit ti probinsya nga Ilocos Norte kangrunaan na iti ili ti San Nicolas kalpasan a pimmusay a ni Mayor Domingo Ambrocio.
Segun kenni Vice Mayor Mike Hernando, addan iti punerarya ti bangkay ni Ambrocio ken idi nailabas iti Municipal Hall ket rimuar amin dagiti empleado ti lokal a gobierno.
Inbatad na a napalaos ti kigtot ken ladingit na idi naipadanon kenkuana ti pannakatay ni Mayor Ambrocio
Kunana nga ibilang na ni Ambrocio kas maysa a kabsat ken nasayaat a tao.
Mainaig iti daytoy, inpasigurado ni Hernando nga itultuloy na met ti narugyan ti mayor seknan iti pagsayaan ti ili a San Nicolas.
Kinumpirmaran ni Hernando nga idi Biyernes ket nagturong idiay La Union tapno agpaagas ngem iti agdama ket urayen na pay laeng ti medical records seknan iti pannakatay ti mayor.
Kabayatanna, ni Mayor Ambrocio ket nagserbi kas Sang. Bayan Member iti ili ti San Nicolas ken Sang. Panlalawigan Member sakbay a naelektaran kas Mayor.
