LAOAG CITY – Inrakurak ti Malakanyang a “fake news” ti maipagarop a memorandum manipod iti Palasyo a mangimanmandar nga ikkaten iti puwesto ni House Speaker Ferdinand Martin Romualdez, ken paigetan ti operasyon tapno maipangato nga ratings ti administrasyon ni Presidente Ferdinand Marcos Jr.
Naparuwar a pirmado ni Executive Secretary Lucas Bersamin ti nasao a memorandum nga indeklarar ti Palasyo a peke.
Iti maysa a press briefing, nagpalagip ni Palace Press Officer Atty. Claire Castro iti publiko kontra kadagiti agiwarwaras ti saan nga usto nga impormasyon.
Innayon na a saan a basta patien dagiti peke a dokumento a maiwarwaras aglalo ket adon dagiti peke nga impormasyon kadagitoy a panawen.
