LAOAG CITY – Natiliw ti maysa a menor de edad a babai gapu iti maipagarop a panagtakaw na iti maysa a dakkel a mall iti ili ti San Nicolas idi kalman.
Ti agtawen ti 17 a suspek ket taga Barangay Ver iti ili ti Dingras.
Segun ti report, kabayatan a rumuar ti suspek iti mall bitbit na ti maysa a paper bag ket nag-alarm isut gapuna a dagus a napan inasitgan ti maysa nga empleado.
Iti panangkita ti empleado ti paper bag ket ditoy a naduktalan na dagiti linaon a badbado, aritos ken pouch a maipagarop a saan a nabayadan ken agbalor amin ti P2,596.00
Naipaima ti suspek iti ina na ngem agsubli da met laeng iti nasao a mall ita nga aldaw tapno pagsasaritaan da ti nasao a pasamak.
