LAOAG CITY – Natay ti maysa a menor de edad a nangiturong ti motorsiklo kalpasan a nakadinnungpar na ti maysa nga elf truck iti Brgy. 53 Rioeng ditoy siudad ti Laoag.
Segun iti imbestigasyon ti PNP traffic division, agpalaud a direksiyon ti motorsiklo nga inturong ti agtawen ti 17, ken residente iti Brgy. Lataag-C ditoy siudad, idinto ti elf truck ket nga agpadaya ken aglikko ti kannigid iti nakapasamakan ti desgrasya.
Gapu iti daytoy, nagdinnungpar dagiti dua a behikulo ken nakaro ti sugat a sinagaba ti biktima.
Dagus a naitaray ti biktima iti ospital ngem naideklara a dead on arrival.
Nagtalinaed ti driver ken pahinante ti elf truck iti PNP traffic division ken manamnama ti panagsasarita da iti pamilya a nagpasina.
