LAOAG CITY – Inaprobaran ti House of Representatives of the Philippines iti maikatlo ken pinal a pannakaibasana ti gakat a mangipangato iti mandatory retirement age dagiti miembro ti Philippine National Police manipud iti tawen a 56 ket mapagbalin a 57.
Nakaala ti House Bill 8702 ti 233 a butos a pabor, awan ti kimmontra ken maysa nga abstention iti plenary session idi Martes.
Gagem ti gakat a maamendaran ti Section 39 ti Republic Act 6975 wenno Department of the Interior and Local Government Act of 1990.
Inbatad ni House Majority Leader ken Ilocos Norte First District Rep. Ferdinand Alexander Marcos a maysa kadagiti author ti gakat, napateg ti pannakaipangato ti retirement age tapno mausar pay laeng ti Philippine National Police ti padas dagiti adda iti babaenda.
Kuna ni Marcos nga arig kapada daytoy a gakat ti Republic Act 11939 idi 2023 a mangipangpangato ti compulsory retirement age dagiti miembro ti Armed Forces of the Philippines manipud iti tawen a 56 ket napagbalin a 57.
