Nabagko-bagkong ti naminlima a daras ti maysa nga agpapaay iti pagtaraknan iti para pallot a manok iti Brgy. 56 A Bacsil North ditoy ciudad ti Laoag kalpasan a nagriri da iti katrabahuan na.
Nabigbig ti biktima a ni Jay-R Sacro, agtawen ti 16, residente iti nasao a barangay idinto a ti suspek ket ni Janray Lagura, agtawen ti 18 ken residente iti Brgy. 52-B ditoy ciudad.
Basar iti imbestigayon, adda iti saan a nagkinnaawatan dagiti dua rason a napan nangala ti suspek ti kutsilyo iti kusina ket dita a binagko-bagkong na ti bukot ti biktima iti naminlima a daras.
Naamoan a kanayon nga ang-angawen ken konkontraen ti biktima iti suspek.
Iti agdama, nagtalinaed ni Sacro iti Mariano Marcos Memorial Hospital and Medical Center iti ciudad ti Batac idinto a naipakustodyar iti PNP Laoag ni Lagura.
