Nasugatan iti kili-kili ti maysa a menor de edad kalpasan a nasangdo ti nuang iti Brgy. 49 A Darayday ditoy ciudad ti Laoag.
Segun kenni Mr. Edwin Miguel, inpakada ti agtawen ti 11 nga apoko na a mapan na iwarwar ti nuang ngem idi saan na a mapasangpet ti ubing ket dita a nakita na a nasangdo daytoy iti nuang.
Simrek ti maysa a pulgada ti sara ti nuang iti kili-kili ti nasao nga ubing.
Insigida a naitaray ti biktima iti ospital para iti naan-anay a pannakataming na.
Gapu iti daytoy, plano nga ilako ni Miguel ti nuang na tapno saanen a makaperwisyo.
