LAOAG CITY – Nagtalinaed iti Gov. Roque Ablan Senior Memorial Hospital ti agtawen -8 nga ubing gapo ta natukkol ti akin-kannigid a saka akalpasan a nadungpar ti motorsiklo iti Brgy. 1 ditoy ciudad ti Laoag idi kalman.
Basar ti report, naamoan a dumaldalyasat ti kalsada ti saanen nabigbig a biktima ket dita a nadungpar ti TMX a motorsiklo nga inturong ti suspek a ni Daniel Ancheta, agtawen ti 26 bayat nga agturong iti abagatan a paset ti nasao a lugar.
Gapo ti daytoy, agtultuloy a maag-agasan ti ospital ti biktima idinto nga insigida a nakaruar ti suspek manipod ti ospital gapo iti pinasar na a garumyad ti ima na kalpasan ti napasamak nga aksidente.
Iti agdama, nagtalinaed ti motorsiklo iti kustudyar ti PNP-Traffic division office ken agtultuloy ti imbestigasion ti nasao nga aksidente.
