LAOAG CITY – Napaay ti men’s national football team ti pagilian iti FIFA World Cup 2026 qualifiers.
Daytoy ket kalpasan nga inabakda isuda ti Indonesia iti iskor a 2-0 iti ay-ayam a naisayangkat iti Gelora Bung Karno Stadium idiay Jakarta, Indonesia.
Gapu iti daytoy, immanbanten ti Indonesia iti sumaruno a round ti World Cup Qualifiers.
Sigurado metten iti puesto ti Indonesia iti 2027 AFC Asian Cup idiay Saudi Arabia kalpasan a maikadua iti Group F kagiddan ti Iraq.
Naglippas laeng ti Pilipinas iti qualifiers ti maysa a puntos iti innem nga ay-ayam iti babaen ti 1-1 a draw kontra iti Indonesia idi Nobimbre iti napalabas a tawen a naisayangkat iti Rizal Memorial Stadium idiay Manila.
Napaay a magun-od ti Pilipinas iti FIFA World Cup kalpasan ti 3-2 a pannakaabakda iti Vietnam iti napalabas a lawas.
Makaay-ayamda latta iti third round ti qualifers ti 2027 AFC Asian Cup.
