LAOAG CITY – Nangrugin nga agbirok dagiti power supplier ti Manila Electric Co. (Meralco) para iti pakabuklan a 600 megawatts (MW) ti kuryente iti babaen ti 15 a tawen a power supply agreements (PSA) kas paset ti panangikagumaan daytoy a masigurado ti agtultuloy ken nalaka a suplay ti kuryente kadagiti sumaruno a tawen.
Gagem ti addang tapno masigurado ti agtultuloy ken pangnamnamaan a suplay ti kuryente kabayatan a pagtaltalinaeden ti nalaka a singir para kadagiti konsyumer daytoy.
Nadakamat a ti nasao a power supply agreements ket magudua iti dua a paset, sag-300 megawatts iti tunggal maysa a manamnama a mangrugi inton 2028 ken 2029, depende iti aproval ti Energy Regulatory Commission.
Lukatan ti proseso kadagiti amin a kualipikado a power generation companies a mabalin nga agisubmitir ti interesda agingga Hulio 14.
Sarunoen daytoy ti pre-bid conference inton Hulio 28 ken panagisubmitir kadagiti bid sa Setyembre 1.
