LAOAG CITY – Kinumpirmaran ti militar ti Israel a natay ti hepe ti militar ti Hamas a ni Mohammed Deif gapu iti air strike idiay Gaza Strip idi napan a bulan.
Ni Deif ket maysa suna kasagiti napuntirya iti strike a napasamak iti maysa a compound idiay Khan Younis idi napan a bulan ti Hulio.
Kuna ti Israel a ni Deif ket maysa kadagiti responsable idi Oktubre 7, 2023 a panangraut Southern Israel ken nakatayan ti 1,200 a tattao.
Inyanunsio daytoy ti Israel kalpasan ti pannakapapatay ti political leader ti Hamas a ni Ismael Haniyeh idiay Tehran, ken ti senior Hezbollah commander a ni Fuad Shukr, a napapatay iti panangraut ti eroplano ti Israel iti kabesera ti Lebanon, Beirut.
Ni Mohammed Deif ket mangidadaulo idi ti Izzedine al-Qassam Brigades, maysa a grupo ti militar ti Hamas ken isuna pay ket naibalud babaen kadagiti autoridad ti Israel idi 1989.
Inakusaran pay isuna ti Israel a nagplano ken nangimaton kadagiti panagbomba ti bus a nakatayan ti pinulpulo nga Israeli idi 1996, ken nairaman iti pannakatiliw ken pannakapapatay ti tallo a soldado ti Israel idi 1990.
