LAOAG CITY – Pinalagipan ti Metro Ilocos Norte Council dagiti tricycle drivers maipanggep ti panagsingir ti plete nangruna dagiti agpaspasada ditoy ciudad ti Laoag ken ciudad ti Batac, kasta pay iti ili ti San Nicolas.
Segun iti gobierno probinsial, nakaawat da ti dua a report mainag iti overcharging nga iti agdama ket manarimaanen ti panangim-imbestigar da iti daytoy.
Inbatad ti gobierno probinsial a naiget a maipawil ti panagsingir ti ad-ado ngem ti naituding a plete kadagiti pasahero ken no siasinno man ti maduktalan a mangaramid iti daytoy ket adda ti maipataw a pannusa.
Kabayatanna, silulukat dagiti numero ti gobierno probinsyal wenno mabalin met a kontaken ni Atty. Nikki Pilar iti Metro Ilocos Norte Council.
