LAOAG CITY – Iyur-uray ti Office of the Vice President for Administration, Finance and Business ti agbalin a report ti dean ti College of Teacher Education, guidance councilor ken student leaders pakaseknan ti kaso ti maysa a mangisursuro a ni Dr. James Zandro Ventura iti Mariano Marcos State University a maipagarup a mangbulbully kadagiti estudyante na.
Daytoy t inbatad ni Dr. Fides Bernardo A. Bitanga, ti Vice Presidente for Administration, Finance and Business iti Mariano Marcos State University.
Inbatad na nga idi pay laeng domingo, Hunyo 1 ket napagsasaritaan dan no ania ti aramiden da, ken idi lunes, Hunyo 2 ket nagturong iti College of Teachers Education kas nadutukan a pannakangiwat iti kaso tapno kitaen a mismo ti sitwasyon, ken nangiyuswat ti taripnong kadwa na ti dean ti College of Teacher Education, guidance councilor ken dagiti student leaders.
Inpasingked ni Dr. Bitanga a suroten da dagiti protocols iti nasao nga unibersidad.
Innayon na nga apaman a maawat na ti reports dagiti maseknan ket i-assess da no ania ti sumaruno nga aramiden da nga addang.
Iti agdama, kuna ni Dr. Bitanga a saan a nakasuspenso ni Dr. Ventura gapo ta awan pay ti datos nga iggem da ken awan pay ti pormal a napila ti reklamo kontra kenkuana.
Inpakaammo na a no awan ti makaitured nga agpila ti reklamo kontra ken ni Ventura ket agtinnag a counseling laeng ti aramiden ti unibersidad.
