LAOAG CITY – Karaman manen ti Mariano Marcos State University (MMSU) kadagiti Top Performing School iti intero a pagilian iti naisayangkat a Licensure Examination for Teachers (LET) iti elementary level idi setyembre ita a tawen.
Ti nasao nga unibersidad ket nakagun-od ti 85.85% a passing rate rason a top 8 daytoy kadagiti amin a kolehiyo ken unibersidad a mangididiaya iti kurso a “teacher”.
Manipod iti 205 a nag-eksamen iti MMSU College of Teacher Education ket 176 dagiti nakapasa.
Umabot ti 28,973 dagiti baro a lisensyado nga elementary teachers ditoy pagilyan.
Maipalagip a ti MMSU ket mabigbigbig kas Center of Excellence in Teacher Education.
