LAOAG CITY – Manarimaan ti pannakaiproseso ti Memorandum of Agreement a pagpinnirmaan ti National Irrigation Administration-Ilocos Norte ken ti Bongga Pump 1 iti Irrigators Association iti ili ti Sarrat.
Daytoy ket programa ti National Irrigation Administration babaen ti Administration Farming Support Service Program.
Segun ken ni Engr. Joselito De Vera, ti Division Manager ti National Irrigation Administration ditoy probinsya, ti nasao a programa ket imanihir ti nasao nga asosasyon iti ili ti Sarrat.
Inlawlawag ni De Vera a 80 a porsiento ti milling rice ket mabalin da nga ilako iti P40 a pisos iti kada kilo idinto a ti mabati a 20 a porsiento ti bagas ket gatangen ti gobierno.
Immunan nga inbatad ni Mr. Oscar Aguilar, ti Presidente ti Bongga Pump 1 iti ili ti Sarrat a dakkel a tulong para kadakuada a mannalon ti nasao a programa.
