LAOAG CITY – Inyanunsyo ti Monetary Board nga inpababa da ti Target Reverse Repurchase (RRP) Rate ti Bangko Sentral ng Pilipinas (BSP) iti 25 basis points agingga iti 6.25 porsiento.
Kayatna a sawen a makissayan ti gastos ti loans para kadagiti banko.
Adda met panagbalbaliw ti interes kadagiti deposito ken pautang iti 5.75 a porsiento para iti deposito ken 6.75 a porsiento para kadagiti pautang.
Iti laksid ti bassit a panagngato idi Hulio, manamnama bumana ti inflation ken agtalinaed iti uneg ti target range ti gobierno a dua agingga iti 4 a porsiento.
Gapu iti daytoy ket positibo ti outlook gapu iti stable inflation expectations.
Ngem nupay kasta, ti concerns seknan iti inflation ket mabalin a bumaba para iti tawen 2024 ken 2025, ngem adda tyansa na a ngumato inton 2026.
Ti nababbaba a taripa ti panagangkat iti bagas ti mangtignay iti trend, indinto a ti nangatngato a gatad ti koriente ti mangitunda ti implasion.
Patien ti Monetary Board nga agtalinaed a natalged ti ekonomia, uray no nabannayad ti pinansial a kasasaad, ngem naiget ti monitoring ti Monetary Board kti monetary policy tapno mataginayon ti kinatalged ti presio ken suportaran da ti panagdur-as ti ekonomia ken panggedan iti pagilian.
