LAOAG CITY – Nagtalinaed a saan pay a makontrol ti kaso ti monkeypox kadagiti pagilian idiay Africa.
Basar iti Africa Centres for Disease Control and Prevention (Africa CDC) a mabalin pay a ngumato ti bilang dagiti kaso kadagiti nagduduma a pagilian.
Kalikagum dagiti pagilian iti African region a saanen a maulit ti nakapsot nga health care system-da idi kangitingitan ti COVID-19 pandemic.
Basar iti datosda, 177 a porsiento ti kaso ken dagiti pimmusay ket dumanonen iti 38.5 percent ti bilang no idasig iti napalabas a tawen.
Maipalagip nga indeklara ti World Health Organization iti kallabes ti nasao nga outbreak kas public health emergency of international concern nangruna ket adda dagiti baro a variant ti nakita.
