LAOAG CITY – Natiliw ti maysa a Most Wanted iti mismo a pagtrabahoan na iti Barangay 24 iti ili ti San Nicolas babaen iti naiserbi a warrant of arrest.
Nabigbig daytoy a ni Nixon Gabug y Root, agtawen ti 24, awanan ti asawa, maysa a construction worker ken residente ti Brgy. 19 iti nasao nga ili.
Segun kenni Police Major Joseph Baltazar, ti chief of police ti PNP-San Nicolas, adda pay ti naala dagiti otoridad a tallo a babassit a sachet a naglaon ti maipagarop a droga iti bulsa ni Gabug.
Inbatad na a ni Gabug ket dati a drug surrenderer ngem awanen ti sabali pay a nakairamramanan na nga iligal nga aktibidad.
Iti agdama ket nagtalinaed iti kustudyar ti PNP-San Nicolas ti suspek bayat a maisagsagana ti kaso kontra kenkuana.
