LAOAG CITY – Natiliw ti maysa a Most Wanted Person ti Ilocos Norte a napan nagpaing iti probinsya ti Cagayan.
Ti akusado ket agtawen ti 56, naasawaan, tubo iti Brgy Sta Filomena, Cagayan, ken agdama nga agnanaed iti Brgy Calog Sur, Cagayan.
Naarestar daytoy babaen iti nagtitipon a pwersa ti Provincial Special Enforcement Team, Ilocos Norte Police Provincial Office nga indaulwan ni Police Lt. Col. Tolentino Erum Jr. Burgos Municipal Station babaen iti supervision ni Pol. Col. Julius Suriben.
Karaman pay ti Provincial Director, PIU-INPPO, INTPU, 101st MC, RMFB1, 144 Special Action Company/14 Special Action Batallion ken Abug MPS- Cagayan PPO.
Ti alias warrant of arrest ket inparuk-at ni Hon. Judge Perla Querubin iti Regional Trical Court, Branch 11, Laoag City a napetsaan ti October 1, 1993 gapo iti kaso a panagrames.
Awan met ti nairekomendar a pyansa para iti temporaryo a pannakawaya-waya na.
