LAOAG CITY – Kinumpirmaran ni Barangay Kagawad Jay-Z Lagundino iti Baranay Pancian iti ili ti Pagudpud nga umabot iti dua agingga iti tallo nga oras sakbay nga ipalubos dagiti kameng ti Dept. of Public Works and Highways (DPWH) iti paset ti Sitio Banquero a nakapasamakan ti panagregaay ti daga.
Segun kenni Lagundino, iti laksid nga adda ti schedule a alas-sais ti bigat agingga iti alas-sais ti malem ti mabalin a dumalan dagiti motorista.
Inbatad na a no dadduma ket umabot iti dua aggingga iti tallo nga oras ti urayen da sakbay da a makalasat iti nasao a paset ti kalsada.
Kunana a ti sungbat dagiti nakasarita na nga empleado ket urayen da ti bilin dagiti adda iti tengnga ti nakapasamakan ti landslide a manarimaan ti clearing operation na.
Gapo iti daytoy, inbatad ni Lagundino a no kastoy ti ar-aramiden dagiti kameng ti Dept. of Public Works and Highways nga adda ti lugar, masapol kuma nga adda ti ited da nga oras tapno saan a nabayag ti panaguray dagiti byahero.
Ummuna iti daytoy, arungaing dagiti byahero ti arig na dakkel a tuok para kadagitoy gapo ta saan nga ammo no kaano manen ti panangipalubos dagiti kameng ti Dept. of Public Works and Highways a dumalyasat dagitoy.
