LAOAG CITY – Inpakita ti electric automotive company a Tesla ti baro a bersion ti kotsena a Roadster a segun ken ni Chief Executive Officer Elon Musk, kabaelanna daytoy a tumayab ken makaaramid ti sumagmamano nga aerial maneuvers usar ti high-pressure air jets.
Naisayangkat ti demonstrasion iti maysa nga SpaceX test facility idiay Texas, no sadinno a naipakita ti two-seater sports car nga immuli iti maysa a ramp, nagpuligus iti tangatang ken balligi a nakadanon iti datar usar dagiti nakaikabil nga air jet iti nasao a lugan.
Kabayatanna, kalikagum ti Tesla a marugian ti produksion ti baro a Roadster iti tawen 2028.
