LAOAG CITY – Nasugatan dagiti ima ken saka dagiti dua nga estudyante kalpasan ti aksidente iti Panganiban street corner D. Samonte street ditoy siudad ti Laoag.
Nabigbig dagiti estudyante a da Jefferson Domingo, agtawen ti 19, residente iti Brgy. 32A Lapaz ditoy suidad ken nakalubbon iti motorsiklo ni Maria Mercedes Caliwcaliw, agtawen ti 23, residente iti Brgy. 2 iti ili ti Pagudpud.
Basar iti imbestigasyon ti PNP Traffic Division, bayat nga agpapaamianan a direksiyon ti motorsiko iti Panganiban street ken nadungpar da ti tricycle nga inturong ni Jonel Ignacio, agtawen ti 28, residente iti Brgy. 1 iti ili ti San Nicolas a nagpalaud iti D. Samonte street.
Rumrumwar a nakalasat ni Ignacio iti D. Samonte street idi kelaat a limmasat ni Domingo iti Ablan avenue rason ti aksidente.
