LAOAG CITY – Inrakurak ni Agriculture Secretary Francisco Tiu Laurel Jr. a kissayan pay ti Maximum Suggested Retail Price (MSRP) ti imported rice iti PHP45 iti kada kilo mangrugi inton Marso 31, 2025 gapu iti agtultuloy a panagbaba ti presio iti world market.
Sipod idi naipatungpal ti Maximum Suggested Retail Price idi Enero 20, bimmaban iti PHP19 iti kada kilo ti presio ti imported rice manipud iti PHP64 a napagbalin a PHP45. K
Binigbig ti Philippine Statistics Authority (PSA) ti Maximum Suggested Retail Price kas maysa kadagiti rason ti panagbaba ti presio ti bagas ken panagbaba ti inflation.
Daytoy nga addang ket maiyataday iti desision ni Presidente Ferdinand Marcos Jr. nga ibaba ti taripa iti bagas manipud iti 35% a napagbalin a 15% manipud idi Hulio 2024.
Kuana a nakatulong ti panangikkat ti India iti export ban ti non-Basmati rice idi Septiembre iti panagngato ti global supply a nangitunda ti kababaan a presio ti bagas iti uneg ti dua a tawen.
Naammoan a sakbay pay ti panagbaba ti Maximum Suggested Retail Price iti PHP49 idi Marso 1, bimmaban iti USD490 per metric tons ti presio ti 5% broken rice manipud idiay Vietnam mga agarup USD200 a nalaklaka maidasig idi Disiembre.
Basar iti Food Terminal Inc., ti mapattapatta a landed cost ti imported rice para iti Marso 2025 ket dumanon iti PHP32 agingga iti PHP34 iti kada kilo.
