LAOAG CITY – Naisayangkat ti Joint Municipal Peace and Order Council ken Municipal Anti-Drug Abuse Council para iti 3rd quarter iti ili ti San Nicolas.
Indaulwan ni Mayor Mike Hernando ken dua a miembro ti konseho ti nasao a taripnong ken napagsasaritaan dagiti maipanggep ti linak urnos ken talna iti nasao nga ili.
Malaksid iti daytoy, natratar pay dagiti addang tapnu maliklikan ti panagwaras ti illegal a droga iti ili ti San Nicolas.
Nagatendar met ti tallo a national agency, a pakairamanan ditoy ti Philippine National Police, Bureau of Fire Protections ken ti Philippine Drug Enforcement Agency no sadinno nga inpresentar da ti agdama a sitwasyon ti ili ti San Nicolas seknan ti illegal a droga ken nu kasano ti pannaka-drug cleared dagiti barangay.
