LAOAG CITY – Inrakurak ni Mayor Larisa Foronda iti ili ti Vintar a napunnon ti dagiti Municipal Quarantine Facilities iti ili da.
Kuna na a daytoy ket gapu kadgiti nagsangpet nga LSI wenno Locally Stranded Individuals ken ROF wenno Returning Overseas Filipino.
Inadmitir ni Foronda nga adda ti uppat a bakante ngem nakareserba ti para kadagiti OFWs nga agsangpet.
Inlawlawag na a saan a mapakadaan iti panagsangpet dagiti OFWs gapu ta saan a maipakaammo iti ili nangruna no ipalubusen ti OWWA iti panagawid da.
Inbatad na a narigat met a paayen dagiti OFWs nga awan ti pagiyanan da iti quarantine facilites.
Innayon ni Foronda a makikoordinar dagiti agawid nga LSI ken ROF kadagiti opisyal ti barangay, no bilang adda ti bakante iti quarantine facility ket mabalin da nga akumudaren.
