LAOAG CITY – Manarimaan ti pannakaaramid ti mural painting iti underpass ti gilbert bridge ditoy ciudad ti Laoag.
Daytoy ti inpakaammo ni Mayor James Bryan Alcid ditoy ciudad ti Laoag.
Inpakaammo ti mayor a maitampok iti mural painting ti trabaho ken kababalin dagiti Laoageño.
Malaksid iti daytoy, makitan to pay iti mural painting dagiti agkakapintas a pagpasyarad ditoy ciudad.
Inbatad ni Alcid a ti maar-aramid a mural painting ket nayun nga attraction ditoy ciudad para kadagiti umili ken dagiti turista aglalo ket daladal ti naruay a tattao ken behikulo iti nadakamat a lugar.
Ti maar-aramid a mural painting ket pagtitinnulungan dagiti local artists nga idaulwan ni Miss Jeanne Felipe, a designer ti murals.
