LAOAG CITY – Umabot ti 1350 a pisos ti naawat ti tunggal pamilya iti Muslim Community ditoy ciudad ti Laoag.
Segun kenni Mr. Ismael Ali, presidente ti Ilocos Norte United Muslim Assocation (INUMA), adda ti 300 na ribo a pisos a tulong pinansyal nga inted ti kabsat da a Muslim.
Inbatad na ti nasao a gatad ket nagbibingayan ken naibunong kadagiti 222 a pamilya iti Muslim Community.
Inpasingked ni Ali a kabayatan ti pangibunong da ket naobserbar ti social distancing ken ti panagisuot ti facemask kas panmangsurot iti pagalagadan.
Kabayatanna, kuna ni Ali nga adda pa ti maibunong a relief goods kadakuada nga inted ti lokal a gobierno ti ciudad ti Laoag.
