LAOAG CITY – Inaprobaran ti Board of Investments (BOI) ti nasurok trilyon a pisos a gatad ti investment commitments iti umuna a pito a bulan ti 2024.
Iti datos, nakaala ti Board of Investments ti P1.15 trillion a gatad ti investment pledges manipud idi Enero agingga Hulio, ngimmato ti 65% manipud iti P699 billion iti kapada a panawen iti napalabas a tawen.
Karaman ditoy ti P185-billion solar project nga addaan ti battery energy storage, maysa nga P1.2-billion manufacturing ken processing facility para kadagiti biscuits (biskuwit), P263 million a gatad ti solar rooftop projects ken maysa a P245-million activated carbon ken charcoal production facility.
Kabayatanna, inaprobaran pay ti Board of Investments ti P297-billion Pakil Pumped Storage Hydroelectric Power Project ken P114.7-billion Guimaras Strait Offshore Wind Power Projects.
