LAOAG CITY – Naiyuswat ti nalawa ken nadamsak a tignay protesta idiay Italya kalpasan ti pannakatay ti maysa a lalaki a Moroccan kabayatan ti kaadda na iti kustodyar dagiti otoridad iti ciudad ti Bologna.
Rinibo a tattao ti nagtitipon kadagiti kalsada ken ipukpukkaw da ti hustisya para ken ni Abderrahim Fakir.
Basar iti report, adda ti 64 a pulis a nadangran iti tignay protesta.
Mainaig iti daytoy, inpetteng ni Prime Minister Giorgia Meloni a masapol a maamoan ti kinapudno iti ipapatay ti morrocan rason a nasken a maimbestigar a naimbag daytoy, ngem inpaganetget na nga awan ti makaikalintegan ti kinadamsan kontra kadagiti mangipatpatungpal ti linteg.
