LAOAG CITY – Nagballigi ti four-time defending champions Team USA iti labanda kontra iti Italy a rason ti pannakastrekda iti FIBA Women’s Basketball World Cup quarterfinals.
Ti four-time defending champions ket nalasatanda ti naiget a depensa ti Italy, no sadinno ket naileppasda ti laban iti iskor a 55-52.
Indauloan ni Jackie Young ti Team USA no sadinno ket nakaaramid daytoy ti 10 puntos, four rebounds ken three assists.
Daytoyen ti kabassitan a nai-iskor ti Team USA iti World Cup victory-da manipud iti 42-38 win kontra iti Australia idi tawen 1987.
Iti nasao a laban, iggem ti Team USA ti lamang iti maududi a segundo, naadaan ti Italy ti maudi a tsansa para iti overtime ngem saan a naipastrek ni Cecilia Zandalasini ti three-pointer-na iti buzzer.
Gapu iti daytoy, nakastrken ti American team iti quarterfinals no sadinno ket makaduada ti France nga immunan a nakastrek manipud iti bracket-da.
