LAOAG CITY – Mangipatungpal ti Spain ti boarder controls iti amin nga air ken sea travel manipud Italy kabayatan ti kumarkaro a susik ti nagbaetan ti dua pagilian mainaig iti migration row.
Nagresulta daytoy kalpasan ti temporario a panangsuspenso ti Italy ti Schegen Agreement a mangipaay ti wagas para iti nawaya a panagbiahe iti nagbaetan ti adu a pagilian ti Europa.
Gapu iti daytoy, nagkiddaw ti Spain iti Italy nga ikkaten dagiti boarder checks-da inton Domingo ngem naglikudan daytoy ti Rome ken kunada a saanda awaten ti aniaman nga “ultimatums” ti Spain.
Mainaig iti daytoy, agtalinaed ti maysa a bulan ti sanction malaksid laeng no agbaliw ti situasion.
Naammoan a ti ultimatum ket maipakat iti passport, nationality ken visa checks dagiti agbibiahe nga Italyano ken dagiti taga-sabali a pagilian nga aggapu iti Italy.
Maipalagip nga immunan a nangipatungpal ti Italy ti kapada a pagannurotan kalpasan ti dupudop ti agarup 78,000 nga illegal migrants manipud Morocco a nagturong iti Spanish exclave a Ceuta.
Nupay kasta, inlawlawag ti Italya a saan a sakup ti nayon a checks dagiti Spanish citizen a sumsumrek iti pagilian.
Basar iti Italy nga agtalinaed ti boarder checks-na daytoy agingga Agosto 15 gapu iti manamnama a baro a panagdudupudop ti illegal migrants iti Ceuta.
Inlawlawag ti Italy a kasapulanda nga aramiden daytoy tapno malappedan dagiti illegal migrants a makastrek iti pagilian.
Kabayatanna, naglikudan daytoy ti Madrid ken kunana nga awan umdas a pagalagadan ti posision ti Rome gapu kadagiti migrants a sumsumrek iti Ceuta ket awan met wagas tapno direkta a makastrek iti Schengen area.
