LAOAG CITY – Balligi ti panangresponde ti Philippine Coast Guard (PCG) kadagiti 29 nga indibidual kalpasan a naperdi ti motorbanca a naglugananda iti kabaybayan iti asideg ti Calibangbanga Island, Linapacan, Palawan, idi Nobiembre 9, 2026.
Naperdian ti makina ti MBCA Princess Ruby Ann-1 kalpasan ti pannakatukkol ti propeller shaft-na.
Mainaig iti daytoy, insigidada nga insardeng ti makina tapno maliklikan ti disgrasia ken masigurado ti kinatalged dagiti indibidual a nakalugan.
Gapu iti daytoy, insigida met a nangiwayat ti search and rescue operation dagiti kameng ti Coast Guard Sub-Station New Colaylayan ken ti San Fernando para iti panagresponde kadagiti na-stranded.
