Agtultuloy ti pannakaisayangkat ti containment ken recovery operations ti Philippine Coast Guard (PCG) kontra iti oil spill iti kabaybayan a sakup iti Barangay Ipag, Mariveles, Bataan ita nga aldaw, Nobiembre 6, 2026.
Kalpasan ti operational briefing, nangnayon ti Philippine Coast Guard (PCG) dagiti containment equipment ken nag-deploy ti absorbent pads ken oil booms tapno malapeddan ti panagwaras ti nabatbati a langis ken mapaalisto ti panangkoletar iti daytoy.
Basar kadagiti otoridad, nangrugi a dimmalan iti natural weathering ti nabatbati a langis, maysa a proseso nga in-inot a tumultulong iti pannakaperdi ken panagwaras iti daytoy iti danum.
Nupay kasta, agtultuloy ti imbestigasion ti Philippine Coast Guard (PCG) tapno maamoan ti namunganayan ken klase a langis a karaman iti insidente.
