Ginutigot ti Second Congressional Commission on Education (Edcom 2) ti Department of Education (DepEd) a papigsaen ti curriculum iti early childhood ken primary education.
Daytoy ket kalpasan a naamaon a 75% ti Grade 1 students ti naestablisar kas “struggling readers”, maibasar iti Comprehensive Rapid Literacy Assessment ti DepEd iti panangrugi ti School Year 2026-2027.
Inpetteng ti Edcom 2 a dagiti estudyante ket kasapulan a makakamat iti Grade2 ken Grade 3 levels sakbay a mapan da iti primary education tapno maliklikan ti nalawa a reading gap.
Ita nga school year, nakita a 45 percent wenno 2.2 milyon a Grade 1 agingga iti Grade 3 nga estudyante ti marigatan nga agbasa.
Gapu iti daytoy, nagpanawagan ti DepEd a siguradwen nga adda ti natibker a koordinasyon iti curriculum ti early childhood care and development (ECCD) iti child development centers ken daycares, agingga iti kindergarten, ken Grade 1.
Iti babaen ti Republic Act No. 12199, wenno ECCD System Act, ni Education Secretary Sonny Angara ti agserserbi kas co-chairperson ti ECCD Council para iti ECCD curriculum.
