Impetteng ni Senate President Win Gatchalian nga agtultuloy ti kinakurang dagiti principal kadagiti pampubliko a pagadalan a nakaro a makapadanag iti sistema ti edukasion.
Segun ken ni Gatchalian, umabot aginga 50% wenno 23,000 iti 45,928 kadagiti pampubliko a pagadalan iti intero a pagilian ti awan principal na.
Mainaig iti daytoy, nagkiddaw ti Department of Education (DepEd) ti kanayonan a P10.52 billion tapno makabukel ti 14,126 School Principal 1.
Impanagetget ti Senate President ti kinapateg ti panagsungbat iti kinakurang ti principal kadagiti pampubliko a pagadalan. Kunana a napateg ti papel dagiti principal iti panangipaay ti nasayaat a panangidaulo ken pannakaipangato ti morale kadagiti mangisursuro.
