LAOAG CITY – Rinibo a tattao ti nangiyuswat ti tignay protesta iti nagduduma a ciudad iti Spain mainaig iti saan a nasayaat a panangiwanwan ti gobierno ti panagado dagiti migrants iti Ceuta.
Ak-akusaran dagiti nagduduma a partido ti oposisyon ni Prime Minister Pedro Sánchez a nangabandonar kadagiti residente ti Ceuta.
Nupay kasta, inpetteng ti gobierno a gungundawayan ti oposisyon ti krisis.
Immunan a naireport a ti Moroccan security forces ket nangipakita ti “total permissiveness” kabayatan ti panagado dagiti migrants, no sadinno nga inpetteng ni Sánchez a saan a responsable ti Morocco.
Maipalagip nga umabot iti 72,000 migrants ti nagturong iti Ceuta manipod iti Morocco idi Hulyo 30-31.
Mainaig iti daytoy, ipanpanawagan dagiti demonstrador ti panagbaba iti pwesto ni Prime Minister Sánchez.
