LAOAG CITY – Nagkiddaw ti tulong dagiti otoridad iti Ceuta iti gobierno ti Spain kalpasan ti panagdudupudop ti rinibo a migrants iti bassit nga Spanish territory nga adda iti daya a paset ti Africa.
Naamoan a kiniddaw ti Madrid a mangideklarar ti national emergency ken mangipatulod kadagiti soldado tapno mapapigsa ti seguridad iti border.
Basar kadagiti naala a video iti Tarajal Beach, makita a rinibo a migrants a kaadoan ket Moroccan ti bimmallasiw iti breakwater ken nagtataray da iti igid ti baybay ken dagiti kalsada tapno makastrek iti teritoryo ti Spain.
Kaadoan kadagiti mayat a mapan idiay Spain ket dagiti agtutubo a lallaki, babbai ken dagiti ubbing kadwa da ti pamilya da.
Segun ken ni Ceuta regional government head Juan Jesús Vivas, kasapulan ti nayun a pwersa ti pulisya ken militar tapno mapagtalinaed ti seguridad ti pagilian.
Immunan nga inrakurak ni Vivas a napunnon ti migrants reception center iti Ceuta, no sadinno a ginasut a migrants ti mapilitan a maturog kadagiti kalsada.
