LAOAG CITY – Natay ti sumurok 60 a migrante iti nakaro a pasamak iti pagpatenggaan ti Ceuta, maysa nga Spanish enclave iti North Africa, kalpasan ti kellaat a panagturong ti rinibu a migrante manipud iti Morocco.
Segun iti report dagiti otoridad, 67 nga indibidual ti nairekord a natay gapu iti pannakalmes ken stampede bayat ti panagdalyasatda iti kabaybayan ken ket panangulida iti alad.
Mainaig iti daytoy, dimteng iti Ceuta ni Prime Minister Pedro Sánchez tapno personal a kitaen ti nasao a sitwasion ken inawaganna ti insidente kas panaglabsing iti soberanya ti Spain.
Gapu iti daytoy, isagsagana ti gobierno ti Spain ti repatriation dagiti migrante ken manarimaanen ti koordinasionda iti Morocco ken European Union tapno maisubli ti kinatalna ti nasao a pagilian.
