LAOAG CITY – Agarop 60 ribo a migrants ti bimmallasiw iti Ceuta idiay Spain manipod iti Morocco iti uneg laeng ti 24 nga oras.
Inbatad ti presidente ti Ceuta nga adda met ti 43 a migrants ti natay kabayatan ti panagballasiw da manipod Morocco a nagturong iti Spain babaen iti panaglangoy da iti baybay.
Indiskribir ni Prime Minister Pedro Sánchez iti Spain a ti sitwasyon ket panangatake iti pagilian da ken inpetteng na nga amin nga illegal migrants ket masapol nga agsubli da idiay Morocco iti kabiitan a panawen.
Inpeksa met ti sumagmamano nga European leaders ti pakaseknan da ken inkari da nga ad-adda pay a paigetan da ti border controls.
Naamoan nga adda metten ti 25,000 a migrants ti boluntaryo a nagsubli idiay Morocco.
