LAOAG CITY – Naitampok ti maysa nga American clothing company iti HercLeon kalpasan a nangiparuk-at daytoy ti HercShirt Version 5.0, no sadinno nga agtalinaed nga awan angotna iti las-ud ti 30 nga aldaw.
Daytoy a kompania ket nangitampok pay ti self-cleaning underwear sumagmamano a tawenen ti napalabas a nakadisenyo dagitoy ti lupot nnga awan ti angotna nupay inaldaw-aldaw nga usaren.
Tapno agtalinaed nga awan angot ti nasao a lupot, agus-usar dagitoy ti copper, silver, zinc, gold, volcanic ash, ken dua a sikreto a materiales.
Segun iti HercLeon, ti copper ti manglaplapped ti panagado ti bacteria a mangipapaay ti madi nga angot, kabayatan a ti zinc met ti mangik-ikkat kadagiti sulfur-cpmpound manipud iti nakaro a panag-ling-et.
Malaksid kadagitoy, ti volcanic ashy met ti mangsagsagepsep ti madi nga angot iti aglawlaw kas ti asok a maibilang kas sponge.
Kabayatanna, ti maysa a t-shirt ket manamnama nga agbalor ti P4,900 ti maysa nga available inton Nobiembre ken agmaris ti nangisit ti umuna a maiparuk-at kasaruno ti navy blue, burgundy, ken dark green.
