LAOAG CITY – Nagaramid ti pakasaritaan ti United States Men’s National Team iti panangabak kontra iti Team Paraguay iti agtultuloy a FIFA World Cup 2026.
Inabak ti Team USA ti Paraguay iti score a 4-1 iti sango ti sumurok 70,000 a football fans iti Los Angeles Stadium.
Nasapa a dinominar ti Amerika ti Paraguay kalpasan a nakaaramid ti maysa a goal iti first half ti laban.
Sinaruno pay daytoy ti dua a nagsasaruno a goals manipud iti striker a ni Folarin Balogun sakbay nga ag-break.
Simmubbot ti Paraguay iti second half ken nagiserrek ti maysa a goal ngem naan-anay a linippas ni United States striker Gio Reyna ti laban usar ti isa pay nga strike iti stoppage time tapno maala ti 4-1 a panangabak.
Daytoyen ti kaadoan a goal a naaramid ti Estados Unidos iti maysa a World Cup match iti pakasaritaan.
Gapu iti panagballigi, iggem itan ti Estados Unidos ti umuna a puesto iti Group D ken adda ti nangato a tsansa nga umabante manipud iti group stage.
Iti baet ti naisangsangayan a panangabak, nagtalinaed nga underdog ti Estados Unidos iti agtultuloy a World Cup.
Basar iti prediction, addaan laeng ti 1.2% a tsansa ti Estados Unidos Team a maiyawid ti World cup trophy.
