LAOAG CITY – Natay ti uppat a tattao idinto a ginasut a ribo a sabsabali dagiti napukawan ti suplay ti kuryente kalpasan ti iduduprak ti Hurricane Isaias iti sumagmamano a paset ti abagatan ti Estados Unidos.
Basar iti report, dua kadagiti biktima ket aggapo iti estado ti Alabama idinto a ti dua pay ket manipod iti Florida.
Umabot met iti agarop 600 a ribo a tattao dagiti napukawan ti supply ti kuryente iti sumagmamano a paset ti Estado.
Nagdisso ti hurricane Isaias idiay Florida nga addaan ti kapigges ti angin a 168 a kilometro iti kada oras sakbay a naipababa iti post-tropical cyclone.
Gapu iti kapigsa ti tudo ken angin ket ado dagiti natulid a poon ti kayo a nakapandangan ken nakadadaelan ti sumagmamano a balay ken dadduma a pasdek.
