LAOAG CITY – Indauloan ni Alex Freeman ti Estados Unidos iti naisangsangayan a panangabakda kontra iti Australia iti score a 2-0 iti agtultuloy a 2026 FIFA World Cup.
Nakairekord ni Freeman ti napateg a goal sakbay a naglippas ti umuna nga half kagiddan ti own goal ti Australia iti maika-11 a minuto.
Ti panangabak ket maikadua a nagsaruno para iti Estados Unidos a naudi a nakairekord ti back-to-back wins iti FIFA World Cup idi 1930.
Iti resulta, siguradon ti Estados Unidos iti puesto iti Round of 32 idinto nga agtaltalinaed a makibinbinnalubal ti Australia para iti tsansa a makaabante.
Malaksid iti balligi, nagbalin a naisangsangayan ti laban gapu ta awan ni Christian Pulisic, captain ti Amerika a sidelined gapu iti calf injury.
Ti balligi ti Amerika ket nangipaay ti kumpiansa iti kampaniada ti FIFA World Cup 2026 ken nangpatibker ti reputasion ni Freeman kas maysa kadagiti baro nga adigi ti koponan.
