LAOAG CITY – Nagballigi a naagasan ti maysa nga agtawen 63 a babai iti Massachusetts, USA kalpasan a napainom daytoy ti 1.5 a diet softdriks tunggal aldaw tapno maikkat ti nagbalay a taraon iti buksitna.
Segun kadagiti doctor iti New England Journal of Medicine, mays aa bulan a nakapasar ti pasiente ti napanaas a panagsakit iti ngato a paset ken laod a paset ti bagina. Adadda pay a kimmaro ti kondisionna idi uminom daytoy ti agas para iti acid reflux.
Idi ta naipadalan daytoy iti endoscopy, naduktalanda ti dakkel a gastric bezoar, maysa a natangken a bukol a nabukel manipud kadagiti taraon a saan a natunaw a nalaing.
Addaan ti type 2 diabetes ken obesity ti pasiente nga agususar ti semaglutide, maysa nga agas a paset iti GLP-1 receptor agonists.Nupay makatulong daytoy a mangpababa iti kilo, mabalin daytoy a manglapped kadagiti taraon a naipauneg iti buksit, rason tapno maurnong ti saan pay a nalusaw a makan.
Insigida nga insardeng dagiti doktor ti nasao nga agas ken pinainom da daytoy iti diet softdrinks. Napainom ti agingga tallo a diet softdrinks iti las-od ti 12 nga oras.
